TikTok në marketingun e së ardhmes

TikTok ishte rrjeti social më i përdorur i vitit 2021 dhe kjo nuk duket se po ndryshon as në vitin 2022. Me mbi 1 miliard përdorues aktivë mujorë, TikTok ka një hapësirë për këdo. Atmosfera në TikTok është dinamike dhe magjepëse, më pak e “filtruar” se ajo e rrjeteve të tjera sociale. Po flasim për një rrjet social krejtësisht të ndryshëm, i cili përdor përmbajtje video, ndryshe nga pararendësit, të cilët paraqesin një shumëllojshmëri formatesh me foto ose content. Instagram ose facebook kanë qënë gjithnjë më të kuruar ndërsa Tik-Tok erdhi si një tornado i lirshmërisë, ku secili individ mund të shprehej duke promovuar spontanitetin e tij.

Disa brande të famshme internacionale, kanë zbritur tashmë potencialin e tyre promovues edhe në TikTok duke shfrytëzuar anën argëtuese, të çuditshme dhe të guximshme të kësaj platforme. Ata kanë gjetur dhe kapur strategjinë e duhur të TikTok, duke përfshirë tingujt më trend dhe që përputhen me imazhin e tyre komercial. Ata kanë zgjedhur diçka absurde e të largët nga kornizat promocionale që i paraprinin duke iu përshtatur plotësisht mood-it të kësaj platforme, e mund të themi se ja kanë arritur qëllimit të tyre më së miri. Rezultati? Miliona shikime dhe mijëra komente periodike.

Marketingu në TikTok?

TikTok nuk ka asnjë hapësirë për reklamat tradicionale dhe nuk është as në konkurrencë me platformat e tjera të rrjeteve sociale. Megjithatë, për shkak të rritjes së shpejtë dhe popullaritetit, shumë marka tani po e kuptojnë potencialin e TikTok si një kanal marketingu.

Disa marka kanë përdorur sfidat dhe konkurset e TikTok për t’i bërë përdoruesit të gjenerojnë përmbajtje të lidhura me atë brand. Ato po përdorin gjithashtu hashtags, në një mënyrë pak a shumë të ngjashme si në platformat e tjera të rrjeteve sociale, për të promovuar fushatat e tyre të marketingut TikTok.

Merrni për shembull fushatën #InMyDenim të markës Guess. Më 1 shtator 2018, marka Guess ftoi të gjithë përdoruesit e TikTok me bazë në SHBA në sfidën e tyre të hashtagut #InMyDenim. Konkursi u kërkoi përdoruesve të krijonin përmbajtje video duke veshur xhinse Guess dhe duke përdorur këtë hashtag. Ky ishte fillimi i partneriteteve të rrjetit social TikTok në SHBA.

E ardhmja e TikTok

Popullariteti aktual i aplikacionit TikTok është mahnitës, por ende nuk garanton se do të arrijë ndonjëherë nivelet e kapura nga rrjetet e tjera sociale si Instagram ose YouTube( lexo për më tepër) . Përshembull ‘Vine’ ka qënë një platformë (për ndarjen e videove) jashtëzakonisht e popullarizuar disa kohë më parë, por tani është krejtësisht larg memories tonë. Kjo tregon që ka shumë aplikacione të tilla që behen shpejt të famshme e pas disa kohe zhdukën.

Për të ruajtur popullaritetin e tij aktual, TikTok do të duhet të vazhdojë të inovojë dhe të gjejë mënyra të reja për të angazhuar bazën e tij të përdoruesve. Ata gjithashtu do të duhet ta bëjnë këtë platformë më miqësore për marketingun e brandeve, duke e zhvilluar këtë aplikacion si një rrjet social që do të qëndrojë gjatë. TikTok është në rrugën e duhur nëse do të jetë në gjendje të përfitojë nga angazhimet e markës, me siguri do të rritet më tej dhe madje mund të arrijë të konkurrojë me platforma të tjera të rrjeteve sociale.

Konkluzion

Me pak fjalë, TikTok është një aplikacion argëtues, i cili ka parë një rritje të popullaritetit në këto vitet e fundit. Aplikacioni Tik Tok gjithashtu ka potencialin të bëhet platforma tjetër më e madhe e marketingut dhe një ndër rrjetet sociale më të ndjekura të të gjitha kohërave. Sidoqoftë, se si krijuesit e aplikacionit e shfrytëzojnë këtë potencial dhe a e ruajnë a jo popullaritetin aktual të aplikacionit, kjo është ende për tu parë.