Historia dhe sekretet e marketingut Netflix

Netflix

Kjo ide ambicioze, lindi në vitin 1997, ndoshta një ide e tepërt për kohën, por me avantazhin e të qenit jashtëzakonisht e saktë dhe e fokusuar. Gjithçka filloi me një mekanizëm që të kujton në mënyrë të paqartë Netflix-in e sotëm. Duke u abonuar në një abonim mujor, mund të zgjidheshin tre filma që do të dërgoheshin direkt në shtëpinë tuaj. Nëse zgjidhnit përsëri Netflix, mund të merrnit edhe tre të tjera, e kështu me radhë. Ky koncept filloi hap pas hapi të kapërcejë kufijtë e shpërndarjes së filmave me qira. Por do të duhet të prisnim deri në vitin 2007 për të parë evolucionin e parë madhor të këtij shërbimi, me prezantimin, paralelisht shërbimin të filmave me qera, edhe atë të transmetimit online.

Netflix sot është një produkt që përshtatet, një shërbim abonimi që fokusohet në një katalog të pakufishëm dhe të përgjithshëm zgjedhjesh. Ke gjithnjë diçka për të parë, dhe ofron kategori të ndryshme që përshtaten për çdo grupmoshë, për secilin element të familjes, duke i lënë ato të ngulitur përpara ekranit. Ai përmban një katalog të gjerë që madje shpeshherë guxon të sfidojë përdoruesin.

Që nga viti 2013, Netflix ka shtuar edhe serialet televizive në katalogun e tij, si një mënyrë tjetër inovative edhe të paprecedentë, tashmë mund të gjeni tek Netflix gjithçka i nevojitet shijeve tuaja audio-vizive. Kjo lëvizje, në kontrast total me tregun e serialeve televizive, e bazuar në trasmetim me frekuencën javore, çoi në lindjen e fenomenit të ‘binge watching’ (shikim i tepruar) maratona të gjata serialesh pa ndërprerje.

Personalizimi

Ka kompani të panumërta që mburren se ofrojnë shërbime të personalizuara, por sa kompani mund të thonë se kanë vërtet opsione personalizimi për produktin ose shërbimin e tyre? Shumë pak, le ta pranojmë, edhe është padyshim shumë e rëndësishme për klientin që ajo që blehet t’u përshtatet nevojave të tyre specifike.

Netflix përshtatet menjëherë në këtë dinamikë të dyfishtë dhe nga njëra anë e bën personalizimin pjesë unike të themelimit të tij. Mbas 24 orëve të para në përdorim katalogu i Netflix do të fillojë të formësohet në bazë të preferencave tona, sipas kategorive të filmave të preferuara e ky personalizim do jetë faktori bazë i përdorimit pa limit ,gjë që do të na mbajë gjithnjë e më shumë të ngulitur pas ekranit.

Marketing

Një fenomen negativ i kësaj platforme mund të jetë ‘paradoksit i zgjedhjes’, i cili ndodh kur opsionet në dispozicion janë të shumta ose, për ta thënë më mirë, shumë të shumta. Tashmë nuk është një fenomen i ri dhe vazhdon të studiohet gjerësisht këto vite. Ky lloj marketingu mund të duket i ekzagjeruar ama statistika të shumta tregojnë që kush ofron më shumë, tërheq më shumë.

Çështja e Netflix-it, na bën të reflektojmë se kaq shumë oferta mund të na shtyjë të aktivizojmë abonimin, por na fut në telashe kur në fakt duhet të zgjedhim se çfarë të shikojmë. Netflix e di këtë gjë dhe po përpiqet në çdo mënyrë ta përballojë këtë paradoks të zgjedhjes, kështu që vitin e fundit ka vendosur të shtoi një element të ri si opsioni “Luaj diçka” me të cilin shikuesi delegon detyrën për të zgjedhur atë që do të shikojë atë mbrëmje.Një marketing i aftë për të analizuar dhe ri-analizuar vazhdimisht çdo aspekt që mund të përmirësohet dhe zbatohet, është vetëm për tu marrë shembull.

Komunikimi i Netflix ka luajtur një rol po aq vendimtar dhe qendror në ndërtimin e një identiteti të fortë, të njohur dhe unik të markës.Një komunikim që fokusohet në të ashtuquajturin marketing në kohë reale, duke kontekstualizuar në një mënyrë të shkëlqyer atë që marka komunikon me atë që po ndodh në jetën e përditshme.

Dhe në fakt, përpjekja komunikuese që kryen Netflix në jetën reale është gjithashtu e jashtëzakonshme, si përshembull, promovimi i sezonit të ri të Black Mirror i shndërroi stacionet e autobusëve në “pasqyra të zeza” të vërteta. Sezoni i tretë i “La Casa de papel“ solli në qytet Italiane, e jo vetëm, personazhet kryesore që u emërtuan me emrat e qytetetve, e kështu me rradhe. Marketingu Netflix funksionon, dhe është për tu marrë shembull, kjo gjë vërtetohet më së miri nga rritja e shitjeve(lexo për më tepër) dhe ngritja e pandalshme e aksioneve të kësaj kompanie në vitet e fundit.