5 gabimet më të zakonshme në strategjinë e marketingut të rrjeteve sociale

1. Vetë-promovimi

Ndër gabimet që mund të bëhen në një strategji marketingu në mediat sociale, ai i vetë-promovimit është më i shpeshti. Duhet të keni gjithnjë parasyshë se njerëzit nuk ndodhen në rrjetet sociale për të parë se si ju vini veten tuaj në piedestal. Receta e duhur është të bëni marketingun e saktë nëpërmjet përmbajtjes efektive që prodhon gjëra të dobishme dhe që arrinë ti interesojë një kategorie të gjerë njerëzish. Duhet gjithnjë të vendosni në vend të parë vizitatorin e mos të humbni kohë në gjëra që janë të dobishme vetëm për egon tuaj.

2. Reklama dhe promovimi i tepruar

Në pozicionin e dytë ndër gabimet më të zakonshme të marketingut në rrjetet sociale është përdorimi i tyre vetëm për tu reklamuar. I ngjashëm me vetë-promovimin ky është mëkati i dytë i marketingut digjital. Sa e urryer është të shohësh ata njerëz që vazhdojnë, në “strategjinë e tyre të marketingut”, duke mos reshtur së promovuari produktet e tyre. Vizitatorët e Facebook ose Instagram janë aty për t’u argëtuar, kështu që nuk u intereson shumë nëse ju dini vetëm të postoni gjëra për të shitur. Një plan i mirë editorial,formohet nga postime reklamuese, por gjithnjë të shoqëruara nga lloje të tjera postimesh siç janë ato të përmbajtjes ose ato informativet. Ajo që duhet të bëni është të përpiqeni të krijoni përmbajtje që tërheqin vëmëndjen e njerëzve dhe të vendosni aty ku mundeni promovimin e produktit ose shërbimit tuaj, në mënyrë që ta reklamoni atë pa u bërë i bezdisshëm ndaj konsumatorit.

3. Mungesa e analizës

Nëse nuk e dini kush jeni, nëse nuk dini kush janë klientët tuaj ose nuk e dini se cilët do të dëshironit të ishin ato, nuk ka kuptim të vazhdoni me marketingun e rrjeteve sociale. Nëse krijoni postime, duhet ta bëni atë duke pasur një target të synuar, duke përvetësuar një gjuhë që është në përputhje me kategorinë e marrësit, personave të cilëve po i drejtoheni. Kjo nuk është e gjitha, është shumë e rëndësishme të shikoni me kujdes analitikën e profilit tuaj për të kuptuar se cilat postime pëlqehen, cilat jo, e cilat kanë ngjallur më shumë reagime. Mos harroni se pa analiza dhe pa të dhëna, ju jeni thjesht një person i painformuar i cili nuk mund të ketë një mendim të saktë rreth profilit të tij.

4. Mungesa e ‘tone of voice’ (tonit të zërit)

Nëse e dini se kush jeni dhe se kujt po i drejtoheni, duhet të filloni të investoni mbi ‘tone of voice’, tonin tuaj të zërit një qëndrueshmëri komunikuese që ju nevojitet në çdo postim. Toni i zërit identifikon brandin tuaj dhe i jep karakter çdo fjale në atë postim. Toni i zërit është mënyra me të cilin shpreheni dhe një element thelbësor i cili duhet të mbetet konstant, pjesë e identifikimit të kopanisë dhe fokus për marketingun digjital.

5. Mungesa e planit editorial

Një strategji editoriale mund të nisi edhe thjeshtë nga një fletë në Google Drive ku mund bëni një kalendar postimesh që përshtaten nga muaji në muaj me atë çka dëshironi të publikoni. Një plan editorial është thelbësor në mënyrë që të shmangni postimet e rastësishme ose ato të shumë-përsëriturat. Përgatitni një spreadsheet strategjik, vendosni cilat postime do të paraqiten ne cilat ditë të javës, mundësisht duke paracaktuar edhe orarin ideal për çdo postim (lexo për më tepër). Ky plan përcaktues do t’ju ndihmojë ju dhe të gjithë kompaninë tuaj që të shfrytëzojë në mënyrën më të mirë çdo postim në rrjetet sociale.