Sinergjia promovuese midis web-faqes dhe rrjeteve sociale
Në epokën digjitale, web-faqja dhe rrjetet sociale janë dy mjete të domosdoshme për promovimin e një brandi. Le të zbulojmë se si t’i integrojmë ato në një strategji marketingu. Për të bërë biznes online është e nevojshme të shfrytëzoni sa më shumë komunikimin digjital, të njihni strategjitë më funksionale në një mënyrë specifike dhe gjithmonë të përditësuar.
Një nga faktorët përcaktues në çdo strategji komunikimi, përfshirë ato digjitale, është zgjedhja e kanaleve të duhura. Pikat e kontaktit ndryshojnë sipas realiteteve të ndryshme sipërmarrëse, por sigurisht në epokën tonë prania e faqes në internet dhe përdorimi i rrjeteve sociale janë konstante për të gjitha kompanitë.
Faqja e internetit dhe rrjetet sociale shihen shpesh si dy elementë të veçantë, por në realitet ato lidhen vazhdimisht, duke u integruar dhe plotësuar njëra-tjetrën. Në fakt, është thelbësore që ato të strukturohen paralelisht dhe në mënyra të ngjashme, në mënyrë që të rritet dukshmëria dhe shitjet, duke krijuar në të njëjtën kohë një lidhje të privilegjuar dhe besnike me përdoruesin.
Përfitimet e kësaj strategjie priren të jenë afatgjata, duke pasur parasysh që rrjetet sociale nga vetë natyra e tyre gjenerojnë dëshirën për të qëndruar të përditësuar me propozimet e kompanisë, duke iu referuar njëkohësisht faqes së internetit. Në thelb, web-faqja dhe rrjetet sociale mund të funksionojnë vetëm në mënyrë sinergjike në promovimin e biznesit.
Marketingu në web dhe marketingu i rrjeteve sociale
Le të fillojmë duke përcaktuar se çfarë nënkuptohet me Web Marketing. Është një grup aktivitetesh që përfshin përdorimin e mjeteve digjitale të aplikuara në një strategji marketingu, me qëllim rritjen e performancës së biznesit duke u përqëndruar kryesisht në shitjen e produkteve dhe shërbimeve.
Marketingu në internet ju lejon të krijoni kanalet brenda të cilave është funksionale të investoni kohë dhe burime, në mënyrë që të identifikoni fushata komunikimi efektive për të transformuar përdoruesit në klientë besnikë.
Rrjetet sociale kanë pasur një ndikim vendimtar në proçesin e marketingut online dhe meritojnë një analizë të hollësishme. Marketingu i rrjeteve sociale kujdeset për këtë, duke i paraqitur platformat sociale si një fushë ekskluzive veprimi. Shpesh asimilohet me Web Marketing, por, në realitet, ka një ndryshim të thellë: Marketingu i rrjeteve sociale ka për objekt gjithçka që lidhet me rrjetet sociale (dhe asgjë tjetër) ndërsa web marketingu interesohet për ueb-in me një vështrim më të përgjithshëm.
Mjete të tjera për t’u përdorur në Web Marketing, janë ato që lidhen me parimet e SEO (lexo për më tepër), duke përfshirë veçanërisht reklamimin e fjalëve kyçe, si dhe përdorimin e Content Design (lexo për më tepër) në web. Për të mos përmendur Google Adwords, që optimizohet duke kombinuar mjetet e ndryshme të reklamimit në rrjetet sociale.
Si të promovoni biznesin tuaj
Rrjete sociale janë pika kyçe për promovimin e kompanisë dhe për të mbajtur kontakte të vazhdueshme me përdoruesit dhe klientët e referencës. Ato ofrojnë mundësinë për të arritur një tregim të vazhdueshëm i cili kërkon kreativitet, planifikim dhe aftësi për të përdorur mjetet e veçanta që çdo rrjet social vë në dispozicion, në mënyrë që të krijojë përmbajtje të aftë për të ngjallur kuriozitet dhe për të joshur klientët potencial.
E rëndësishme nuk është të jesh domosdoshmërisht i pranishëm në të gjitha rrjetet sociale, por të bësh një analizë të përshtatshme në secilin prej tyre, në mënyrë që të fokusohesh tek ato të duhurat në lidhje me audiencën e synuar dhe objektivat që duhen arritur rreth biznesit tuaj. Rrjetet sociale dhe web-faqja duhet të shihen si një vazhdimësi e tjetrit, në komunikim. Fokusimi vetëm në një aspekt, ekskluzivisht në një rrjet social ose në faqe, nuk është funksional.
Konkluzioni
Në strategjitë aktuale të komunikimit online, rrjetet sociale dhe faqja e internetit janë dy faktorë që shkojnë së bashku për promovimin e biznesit, më shumë plotësues sesa të kundërt, sepse vetëm duke punuar së bashku mund të jenë vërtet të suksesshëm.
Për të qenë në gjendje t’i përdorësh ato në mënyrën më të mirë, nuk mjafton të jesh i pasionuar pas sektorit, por është thelbësore të kesh aftësi specifike, në mënyrë që promovimi i biznesit tuaj online të jetë vërtet efektiv për rritjen e kompanisë.
