Content Design
Në ligjet morale të marketingut digjital forma dhe substanca kanë të njëjtën peshë, të njëjtën vlerë e të njëjtën rëndësi. Ç’do content writer/creator ka detyrë të merret me content design (dizajnin e përmbajtjes) që përfaqësohet nga përmbajtja tekstuale edhe trajtimi i formave grafike. Pa arritur formën e duhur, në fakt, edhe substanca nuk ka shumë rëndësi sepse askush nuk vazhdon të lexojë një tekst të çorganizuar. Dhe nëse nuk ka lexim, nuk ka as shikueshmëri e as ndjekës.
Të merresh me dizajnin e përmbajtjes do të thotë të punosh me formën grafike të teksteve nëpërmjet një sërë trukesh vizuale që i bëjnë faqet më të këndshme dhe tërheqëse, dhe mesazhet më të qarta e më të aksesueshme.
Syri ka gjithnjë pjesën e tij, veçanërisht kur kemi të bëjmë me projekte online e me struktura të marketingut digjital ose lloje të tjera promocionesh. Nëse fjalët do të ishin gjithçka, në TV do të shihnim vetëm ekrane të zeza ku kalonin tekste reklamash, nuk do të kishte filma, rrjetet sociale do të ishin plot me postime pa imazhe etj.
Fjala tekst rrjedh nga latinishtja textus, që do të thotë “pëlhurë”, kjo shpjegon se teksti është, në radhë të parë, diçka që mund të shihet, diçka që preket me shikim dhe më pas në një moment të dytë fillon të lexohet e më vonë akoma të kuptohet e të imagjinohet. Për ta thurur mirë tekstin tonë e për ta bërë më tërheqës, duhet t’i përkushtohemi atij si nga ana vizive ashtu edhe në substancë duke e trajtuar siç trajton copën e pëlhurës rrobaqepësi. Kjo është puna kryesore që mund të bëjmë për ti dhënë rëndësinë e duhur dizajnit të përmbajtjes.
Përqendrimi në hartimin e përmbajtjes na ndihmon të:
- Godasim menjëherë lexuesin (potencial) duke kapërcyer fazën fillestare të mosbesimit
- Dallojmë veten nga konkurrentët
- Tërheqim vëmendjen gjatë një prezantimi
- Japim më shumë qartësi në mesazhet tona
- Lehtësojmë barrën që mbart me vete proçesi i leximit
- Përmirësoni perceptimin që klientët kanë për brandin tuaj
- Theksoni personalitetin e kompanisë suaj
- Mundësojmë elementë të përbashkët me blogje të tjera për të krijuar Blog Networking (lexo për më tepër)
Dua të theksoj se dizajni i përmbajtjes është i rëndësishëm, por nuk mund të kompensojë kurrë mungesën e cilësisë së përmbajtjes. Mund të sjellë prestigj vetëm në ato përmbajtje që janë tashmë të mira në vetvete.
Mund të bëhet gjithnjë më shumë duke punuar në dizajn. Dizajni i përmbajtjes është një pjesë e veshjes së përmbajtjeve tona dhe meqenëse veshja ka rëndësinë e vet, dizajni i mirë i përmbajtjes mund të na ndihmojë të përcjellim të gjithë profesionalizmin tonë. Ndërsa një dizajn i keq mund të përcjelli një imazh të shtrembëruar deri në pikën që të ndikojë, në perceptimin që njerëzit kanë për brandin tuaj.
Nisur nga ky specifikim i domosdoshëm, mbetemi ende të idesë se çdo dokument, pavarësisht nga pamja e tij estetike, duhet të trajtohet si në stil ashtu edhe në përmbajtje më të njëjtën cilësi e profesionalizëm.
POSTIME TË PËRZGJEDHURA
January 13, 2022
No Comments