Cancel Culture
Një problem apo thjesht një trend?
Termi “cancel culture” do të thotë “eliminimi” i një marke që konsiderohet skandaloze ose problematike. Kohët e fundit dëgjojmë shpesh për “kulturën e anulimit” dhe sa e rrezikshme mund të jetë për markat. Por a është diçka e vërtet apo thjeshtë trend?
Ju mund të “fshini” dikë, veprimet e të cilit nuk na pëlqejnë ose diçka që nuk shkoi siç duhet. Ju madje mund të “fshini” markat që, në një farë mënyre, kanë zhgënjyer konsumatorët e tyre ose kanë ndërmarrë veprime të dyshimta. Për të kuptuar lëvizjet “antimarkë”, është e rëndësishme të kuptohet se këto lindin nga “komunitetet e markës”, ose entitetet sociale në të cilat njerëzit ndërveprojnë me njëri-tjetrin në lidhje me dashurinë dhe pasionin për një markë. Kur njerëzit veprojnë si grup, ata automatikisht fitojnë më shumë pushtet. Për këtë arsye, komunitetet e markave gjithashtu mund të kthehen kundër një marke dhe ta “varrosin” atë nëse nuk i përmbush pritshmëritë e tyre.
Konsideroni, për shembull, rastin e Nutella-s që u dënua për përdorimin e vajit të palmës dhe u detyrua që në fushatën pasardhëse të krijonte një promovim të personalizuar për të justifikuar ndodhinë.
Kultura e anulimit
“Kultura e anulimit” përfaqëson një lëvizje të kohëve të fundit të lindur nga fuqia që konsumatorët marrin kur janë pjesë e një komuniteti. Kjo ndodh zakonisht kur ndalon së mbështeturi një markë pas një aktiviteti të paligjshëm, një veprimi skandaloz, një fushate të papranueshme ose thjesht sepse konsiderohet problematike.
Meqenëse komunitetet e markave zhvillohen kryesisht në kontekste digjitale, komentet negative ndikojnë shpejt dhe janë vendimtare për krizën e një marke. Shpesh herë ato ‘detyrojnë’ biznese të caktuara të marrin edhe nisma rinovimi si proçese Restyling ose Rebranding (lexo për më tepër).
Ndikimi i influencerave dhe rasti i “Fyre Festival”
Në ditët e sotme figura e ndikuesit ‘influencër’(lexo për më tepër), ka një fuqi të madhe kundrejt konsumatorit. Prandaj, “ndikuesit kryesorë” mund të krahasohen me një “markë” të vërtetë, duke shitur imazhin e tyre dhe duke e shoqëruar personin e tyre me diçka që mund të blihet dhe është e prekshme. Ashtu si një markë mund të “anulohet”, edhe personazhet publikë mund të hasin në skandale duke zgjedhur gabimisht fushatën së cilës do t’i japin imazhin e tyre.
Kështu ndodhi disa vite më parë, kur supermodelet më të famshme dhe më të paguara në botë u bënë sponsor zyrtar i “Fyre Festival”. Ai ishte një event i ndodhur në një ishull Bahamian dhe kushtonte miliona dollarë investim. Po çfarë shkoi keq?
Festivali më ekskluziv i muzikës, i cili premtoi të ishte plot luks dhe paketa VIP, doli të ishte një mjerim i vërtetë. Me pak fjalë, “akomodimet luksoze” ishin tendat në mes të rrugës dhe restorantet e luksit ofronin sanduiçe të parapaketuara. Pjesëmarrësit u gjendën në një ishull pa asnjë event emocionues, e përkundrazi gjetën vetëm probleme serioze sigurie dhe ndërprerje të shumta komunikimi që rrezikuan jetën e të gjithëve. Influencera si Bella Hadid ose Ireland Baldwin përballuan një sërë akuzash nga fansat e tyre, duke qënë se e kishin promovuar këtë event pa pasur asnjë lloj sigurie. Hadid e pranoi disi fajin duke kërkuar falje publike për pjesëmarrjen në këtë promovim. Nga ana tjetër edhe Baldwin u justifikua duke thënë se e dhuroi të gjithë pagesën e marrë prej këtij eventi për bamirësi pasi pa pasojat e ngjarjes.
A fal konsumatori?
Me siguri keni vënë re se markat dhe njerëzit e famshëm për të cilët kemi folur deri tani nuk janë “anuluar” totalisht deri më sot. Por pavarësisht se si ato kanë mundur të mbijetojnë ne tregun e marketingut, ajo periudhë e vështire i ka kushtuar nje dëm t madh si ekonomik ashtu edhe të imazhit. Pra, na vjen natyrshëm të pyesim veten: a duhet vërtet markat të kenë frikë nga kultura e anulimit, apo nuk ka vërtet efekte negative?
Në retrospektivë, duket se konsumatorët janë të gatshëm të falin, sidoqoftë, markat duhet t’u kushtojnë vëmendje këtyre lëvizjeve sociale sepse jo të gjithë janë të mirë për të falur e kjo tregon qartësisht sesi ato që deri dje ju adhuronin i mjafton pak gjë për tu kthyer kundër jush duke bërë çmos për tju shkatërruar në një kohë sa më të shkurtër.
POSTIME TË PËRZGJEDHURA
