6 strategji të marketingut për të rritur imazhin e biznesit tuaj
Zhvillimi i strategjive efektive të marketingut digjital është një punë e vështirë për çdo biznes. Me kaq shumë faktorë të ndryshëm në lojë, duhet të fokusoheni se cila nga strategjitë do t’ju ndihmojnë të arrini rezultatet më të larta? Përgjigja të saktë, për fat të keq nuk ka, sepse çdo gjë varet nga – cilat kanale digjitale po përdor tashmë audienca juaj? Si po angazhohen ata me konkurrentët tuaj? Çfarë rezultatesh po kërkoni të arrini me strategjinë tuaj të marketingut digjital? Janë të gjitha këto pyetje ato që duhet të merren parasysh përpara se të filloni rritjen digjitale të biznesin tuaj.
Për t’ju ndihmuar të arrini majat e suksesit digjital, ne kemi pregatitur këtë listë me 6 prej strategjive më të mira të marketingut digjital që me siguri do t’ju japin rezultate efikase! Pavarësisht nëse po kërkoni të ndërtoni njohjen e markës tuaj digjitale(Brand awareness), të gjeneroni database (lead generation), të kënaqni klientët tuaj ekzistues ose të rrisni shitjet, këto strategji do t’ju ndihmojnë të arrini qëllimet tuaja të marketingut.
Përcaktoni strategjitë tuaja të marketingut digjital me qëllim suksesin e biznesit tuaj.
Përpara se të filloni të krijoni strategjinë tuaj të marketingut digjital, do t’ju duhet të përgatisni biznesin tuaj për këtë sukses. Kjo do të thotë të hulumtoni mbi audiencën tuaj, të krahasoheni me konkurrentët tuaj dhe të vendosni qëllimet e duhura. Përgatitja me këto hapa do t’i japë fushatave tuaja të marketingut digjital rezultate akoma më të larta.
Një strategji efektive e marketingut digjital është ndërtuar kryesisht mbi karakteristikat e audiencës që ju synoni që të tërhiqni. Hulumtoni mbi njerëzit të cilët dëshironi të bëhen pjesë e biznesit tuaj në mënyrë që të zbuloni se ku po e kalojnë kohën e tyre virtuale, si duan të ndërveprojnë me markat online dhe si duhet ti përshtatet lundrimi në internet. Ky lloj informacioni do t’ju ndihmojë të hartoni një strategji që përqëndrohet vërtet tek klienti.
Njohja e konkurrencës tuaj është një tjetër element i dobishëm në rritjen e fushatës suaj të marketingut digjital. Nëse konkurrentët tuaj po bëjnë diçka veçanërisht të mirë, kjo paraqet një mundësi të shkëlqyer për ju dhe biznesin tuaj në mënyrë që të rriteni e të përmirësoni fushatat tuaja aktuale. Nëpërmjet krahasimit me konkurrencën, mund të vërtetoni nëse jeni të paktën në të njëjtin nivel, ose nëse këto strategji po i tejkalojnë arritjet tuaja fillestare.
Pa e ditur se ku doni të arrini, nuk do të jeni në gjendje të krijoni strategjinë e duhur për të arritur atje. Sigurohuni që qëllimet që paravendosni të jenë realiste dhe të kenë kuptim për rritjen e biznesin tuaj (ne rekomandojmë krijimin e objektivave SMART). Një fushatë e marketingut digjital pa objektiva është e vështirë për t’u matur dhe nuk do të jetë në gjendje të optimizojë përpjekjet tuaja për të sjellë rezultate më të mira.
Strategjitë e marketingut dixhital që sjellin rezultate
Me bazën e strategjisë suaj të marketingut digjital të hulumtuar dhe zhvilluar, tani jeni gati të filloni të eksploroni taktikat dhe strategjitë e marketingut digjital që do të kenë rezultate. Ne kemi mbledhur për ju disa nga strategjitë më të fuqishme të marketingut digjital:
- Përdorimi i mediave sociale në mënyrë kreative dhe efektive
Marketingu i mediave sociale mund të jetë një kanal i vështirë për t’u bërë ashtu siç duhet, por bizneset që mund të merren me nuancat e tij me siguri do ja shohin vlerën. Komunikimi është një pjesë kyçe e çdo strategjie të suksesshme biznesi, dhe me më shumë se gjysmën e popullsisë së botës në mediat sociale, nuk ka vend më të mirë për të nxjerrë mesazhin tuaj të marketingut.
Për të pasur sukses me marketingun e mediave sociale, do t’ju duhet një qasje e konsideruar. Nëpërmjet kërkimit tuaj, do të dini se cilat kanale janë më të rëndësishme për audiencën tuaj të synuar nga vendi ku ata kalojnë pjesën më të madhe të kohës, dhe do të vini re gjithashtu se ku ka më shumë gjasa të angazhohen me markat dhe bizneset. Këto do të jenë platformat ku dëshironi të përqendroheni. Ju mund të rritni aktivitetin tuaj edhe nëpërmjet reklamave me pagesë duke shtuar kështu edhe zmadhimin e shtrirjes suaj digjitale. - Drejtoni veprimin duke përditësuar CTA-të tuaja (Call to Action)
Të kesh një thirrje të fuqishme për veprim (CTA) mund të përbëjë ndryshimin kur përpiqesh të bësh konvertimin e përdoruesve. Investimi i kohës në përditësimin dhe përsosjen e CTA-ve tuaja do t’ju shërbejë mirë në drejtim të arritjes së rezultateve dhe arritjes së qëllimeve tuaja të biznesit.
Në terma praktike, ju keni nevojë për diçka që të bie menjëherë në sy; kjo mund të bëhet nëpërmjet një oferte që është shumë e mirë për t’u mos u humbur ose një mesazhi që është i përsosur për klientin tuaj. Testimi A/B do të jetë miku juaj këtu; duke ju ndihmuar të identifikoni CTA-të që realisht rezonojnë me përdoruesit tuaj, në mënyrë që të mund të rikrijoni, mësoni dhe nxirrni rezultate të shkëlqyera nga përdorimi i tyre. Një CTA efektive mund të jetë edhe zgjedhja e influencer-ave (lexo për më tepër) për promovimin e biznesit tuaj. - Studimi i marketingut dhe SEO lokal
Kërkimi Lokal është një pjesë shpesh e anashkaluar e marketingut të kërkimit, por për pronarët e bizneseve, është një mënyrë e shkëlqyer për të marrë rezultate në zonën lokale. Hulumtimet sygjerojnë se 50% e njerëzve që bënë një kërkim lokal në telefonin e tyre shkojn në dyqanin e atij biznesi brenda 24 orëve, kështu që edhe për bizneset me një vendndodhje fizike, kërkimi lokal nuk është diçka për t’u injoruar.
Për të zhvilluar një strategji marketingu të kërkimit lokal, përqendrohuni në krijimin e përmbajtjes me fokus lokal dhe përdorimin e njohurive lokale. Ju dëshironi të siguroheni që përmbajtja juaj përputhet me qëllimin që qëndron pas pyetjes së një përdoruesi. Nëse nuk keni krijuar tashmë një llogari Google My Business, ky do të jetë gjithashtu një mjet i dobishëm për të çuar më tej strategjinë tuaj lokale të SEO. Së fundi, zgjeroni kërkimin tuaj të fjalëve kyçe për të përfshirë terma që lidhen me zonën tuaj lokale. - Optimizo app e biznesit tuaj në celular me dizajnin e faqes suaj të web
Faqja juaj e internetit është dyqani juaj online dhe një nga mjetet më të rëndësishme që keni për arsenalin tuaj të marketingut, kështu që ju duhet ta fuqizoni atë ne mënyrën më të mirë të mundsme.
Duhet të arrini të keni një faqe interneti, ku faqosja është fleksibël dhe përshtatet me madhësinë e ekranit të çdo përdoruesi, pavarësisht nëse është në desktop, tablet ose celular. Kjo është një pikë kryesore në një strategji marketingu digjital, klientët tuaj duhe të arrijnë në faqen tuaj me çdo kusht, edhe aty ata do të gjejnë çdo gjë që i nevojitet për pajisjen e tyre. Për më tepër, Google gjithashtu u jep përparësi faqeve të internetit që janë të përshtatshme për versionin e tyre të celularit (App Mobile).
Për ta bërë dizajnin e faqes tuaj duhet të filloni duke kontrolluar që web juaj të jetë i përshtatshëm për formatin celularit. Më pas duhet të fokusoheni tek pamja e jashtme, dizajni i këtij aplikcioni, i cili do ju shoqerojë hap pas hapi si ju ashtu edhe çdo klient tuajin potencial. Me kaq shumë përdorues që lundrojnë në faqet e internetit, një strategji e marketingut digjital që përfshin dizajn të përgjegjshëm të web me siguri do të japi rezultatet e duhura në marketingun digjital. - Përfitoni sa më shumë nga faqet e tua Landing
Faqet lending ose siç quhen ndryshe ‘landing pages’ janë faqe të pavarura që i japin klientit tuaj të gjithë informacionin që ai ka nevojë për një pjesë specifike të produktit ose ofertës që ju ofroni. Zakonisht ato janë të dizenjuara në mënyrë që klientët të kenë më shumë gjasa të kryejnë veprimet e dëshiruara, të tilla si plotësimi i detajeve të kontaktit të tyre, regjistrimi në një gazetë ose blerja e një produkti, por ndonjëherë ato janë edhe vetëm një mënyrë për të ndarë më shumë informacion rreth biznesit tuaj.
Reklamat PPC dhe llojet e tjera të reklamave digjitale përfitojnë shumë nga landing pages, pasi kjo do të thotë që nëpërmjet një klikimi në reklamë mund ta dërgoni përdoruesin në faqen më të përshtatshme për pyetjen e tyre. Përpjekjet tuaja për optimizimin e motorëve të kërkimit duhet të fillojnë me mbushjen e këtyre faqeve me fjalë kyçe dhe informacione përkatëse që do të demonstrojnë prezencem tuaj në web.
Keto lloj strategjishë ju sjellin përfitimet e duhura duke i kthyer klikimet në faqen tuaj landing e duke dhënë rezultate reale për biznesin tuaj. Duhet të siguroheni që ato fjalë të janë specifike; si për sa i përket përmbajtjes në faqe, ashtu edhe për kategorinë e blerësit që po synoni. - Rritni Lead Generation nëpërmjet Lead Magnets
Keni nevojë për një mënyrë të re për të mbështetur faqen tuaj të sapo optimizuar dhe të hiper-fokusuar në përmbajtjet lead? Lead magnets janë thjeshtë mënyra e duhur për tu afruar gjithnjë e më pranë klientëve potencial. Ju mund ti krijoni këto lead në mënyrë të tillë që të tërheqin informacionet e duhura rreth klientit duke ju bërë të mundur mbledhjen e disa kontakteve. Kjo praktikë do ju sjelli një situatë të favorshme: klienti juaj merr informacion të dobishëm dhe ju merrni një shtesë të re në bazën e të dhënave tuaja.
Lead magnets mund të vijnë në forma të ndryshme, të tilla si letra të bardha, libra elektronikë, webinarë etj. Merrni parasysh llojin e përmbajtjes që do të jetë më e dobishme për të tërhëqur audiencën tuaj. Siç kemi thënë, ajo përmbajtje duhet të jetë e parezistueshme, kështu që nuk ka kuptim të krijoni një webinar nëse e dini që tregu juaj i synuar nuk i përgjigjet mirë atyre. Lead Magnets tuaja duhet të jenë realizuar mirë dhe duhet të trajtohen hap pas hapi nga ekspertë të social media marketingut.
